काठमाडौं- प्रथम एसएएसएसएफ स्कुल कम्ब्याट गेम्समा सहभागी हुन उसु टोली मंगलबार बंगलादेशको ढाका प्रस्थान गर्ने भएको छ । ९ खेलाडीसहित १३ सदस्यीय नेपाली टोली बंगलादेश प्रस्थान गर्नलागेको हो ।

अक्टोबर १ देखि ४ तारिखसम्म हुने प्रतियोगितामा खेलाडीले सान्सौं र थाउलोमा प्रतिस्पर्धा गर्ने छन् । सहभागी खेलाडीमा मनिराज राई, सुमांगीराज्यलक्ष्मी गौतम, अनिता तामाङ, सौगात चन्द, निश्चल तामाङ, ममता सुनुवार, प्राथना नेपाल, रुफस केसी र विराज सुनार रहेकाछन् ।

प्रशिक्षकमा राजीव महर्जन र राज महर्जन, सहायक प्रशिक्षकमा सुवास परियार तथा व्यवस्थापकमा सुकमान लामा टोलीमा सहभागीछन् ।

टोलीलाई सफलताको शुभकामना दिदै राष्ट्रिय खेलकुद परिषद्का सदस्य-सचिव टंकलाल घिसिङले सोमबार एक कार्यक्रमबीच बिदाइ गरेकाछन् ।