मंगलबार , असार १२, २०८१

मंगलबार , असार १२, २०८१

बाढी प्रभावित पाकिस्तानमा हिन्दूहरूले उदारता देखाए, पीडितहरूका लागि मन्दिरको ढोका खोलियो

image

यतिबेला पाकिस्तान आफ्नो इतिहासकै सबैभन्दा नराम्रो त्रासदीबाट गुज्रिरहेको छ । देशमा आएको भीषण बाढीले उनको मेरुदण्ड भाँचिएको छ । यस्तो अवस्थामा बलुचिस्तानका हिन्दूहरूले भाइचारा र मानवताको उदाहरण प्रस्तुत गरेका छन् । बाढीपीडितका लागि यहाँ बसोबास गर्ने हिन्दु धर्मावलम्बीले मन्दिरको ढोका खोलेका छन् । बाढीले पाकिस्तानका ८० जिल्लामा क्षति पु¥याएको छ । देशमा बाढीका कारण मृत्यु हुनेको संख्या झण्डै १२ सय पुगेको छ । जानकारीका अनुसार बाढीका कारण बलुचिस्तानको कच्छी जिल्लाको एउटा सानो गाउँ पूरै क्षेत्रबाट काटिएको छ ।

पाकिस्तानको डन अखबारका अनुसार बाढीले धेरै घरमा क्षति पु¥याएको छ । देशमा बाढीको यस्तो भयावहता देखेर बलुचिस्तानका स्थानीयले बाढीपीडितका लागि बाबा मधुदास मन्दिरको ढोका खोले । अर्कोतर्फ संयुक्त राष्ट्र सङ्घीय जनसंख्या कोष संगठनले पनि पाकिस्तानको अवस्थाप्रति चिन्ता व्यक्त गरेको छ । संस्थाले पाकिस्तानको बाढीबाट प्रभावित ६ लाख ५० हजार गर्भवती महिलाको स्वास्थ्य सुविधाप्रति चिन्ता व्यक्त गरेको छ । एक रिपोर्टका अनुसार संयुक्त राष्ट्रसंघको यो निकायले आगामी महिना ७३ हजार महिलाले बच्चा जन्माउने पनि जनाएको छ । यसका लागि बालबालिकालाई सम्हाल्ने सीप जान्ने यस्ता स्वास्थ्यकर्मीको आवश्यकता छ ।

जनताको अवस्था बुझ्न संयुक्त राष्ट्रसंघका महासचिव दुई दिने भ्रमणमा शुक्रबार पाकिस्तान पुगेका हुन् । पाकिस्तानमा भयावह मनसुन वर्षाका कारण, देशले इतिहासकै सबैभन्दा विनाशकारी बाढीको अनुभव गरेको छ। जसका कारण पाकिस्तानमा भोकमरीको अवस्था सिर्जना भएको छ । देशका तीन करोडभन्दा बढी मानिस विभिन्न रोगबाट पीडित छन् ।

यसबारे विज्ञहरुले आगामी दिनमा बाढीको स्थितिमा कुनै परिवर्तन नहुने बताएका छन् । स्थिति अझ गम्भीर हुन सक्छ। बाढीपहिरोका कारण पीडित जनता बिना साधन खुला आकाशमुनि बस्न बाध्य छन् । देशको ठूलो भूभाग अझै पानीमा डुबेको छ भने लाखौं मानिस घरबार छाड्न बाध्य छन् ।

सम्बन्धित समाचार