काठमाडौं,  राष्ट्रपति रामचन्द्र पौडेलले सरकारको सिफारिसमा चार महत्वपूर्ण अध्यादेश बिहीबार राजपत्रमा प्रकाशित गरेका छन्। यी अध्यादेशहरू विभिन्न कानूनी संशोधन र आर्थिक सुधारका उद्देश्यले जारी गरिएको हो। जारी भएका अध्यादेशहरूमा सुशासन प्रवर्द्धन र सार्वजनिक सेवा प्रवाहसम्बन्धी नेपालको केही ऐनमा संशोधन गर्ने, आर्थिक कार्यविधि तथा वित्तीय उत्तरदायित्वको पहिलो संशोधन, निजीकरणको पहिलो संशोधन, र आर्थिक तथा व्यावसायिक वातावरण सुधार र लगानी अभिवृद्धिका लागि नेपाल ऐनमा संशोधन गर्ने अध्यादेशहरू समावेश छन्। यी सबै अध्यादेशहरू राष्ट्रपति पौडेलले सोमबार जारी गर्नुभएको थियो।

यद्यपि, राष्ट्रपति पौडेलले बुधबार भूमिसम्बन्धी अध्यादेश पनि जारी गर्नुभएको भए पनि उक्त अध्यादेशको राजपत्रमा प्रकाशन भने भएको छैन। गत पुस २६ गते बसेको मन्त्रिपरिषद् बैठकले २९ वटा कानूनी संशोधनका लागि पाँचवटा अध्यादेश जारी गर्न राष्ट्रपतिसमक्ष सिफारिस गरेको थियो, जसका आधारमा यी अध्यादेशहरू जारी गरिएको हो।