डिमेन्सिया एउटा यस्तो रोग हो जस्ले सम्झने, सोच्ने, समस्या समाधान गर्ने वा निर्णयहरू गर्ने क्षमतालाई कम गर्छ । अल्जाइमर रोग एक विशिष्ट प्रकारको डिमेन्सिया हो र यो रोगबाट अल्जाइमर एसोसिएसनका अनुसार ६ मिलियन अमेरिकीहरू पीडित छन्।
विश्वभरका वृद्ध व्यक्तिहरूमा अशक्तता र निर्भरताको प्रमुख कारणहरू मध्ये एक डिमेन्सिया हो, जसले मानिसको उमेरसँगै सोच र व्यवहारलाई असर गर्छ। के हामीले यो अशक्तता यहि रोक्न सक्छौ ?

साउथ अष्ट्रेलियाको युनिभर्सिटीले गरेको अनुसन्धानले डिमेन्सिया र भिटामिन डीको कमीबीच प्रत्यक्ष सम्बन्ध देखाएको छ। अनुसन्धानबाट यी कुराहरु पत्ता लागेका छन् ।
यदि कसैलाई भिटामिन डी को कमि छ भने, त्यस व्यक्तिलाई डिमेन्सिया र स्ट्रोकहुने जोखिम बढि हुन्छ । यो कुरा
आनुवंशिक विश्लेषणहरूले (जेनेटिक एनालाइसिस) बाट पनि प्रमाणित भएको छ ।
केही जनसङ्ख्यामा, यदि सबैजनामा भिटामिन डीको स्तर सामान्य भएमा, १७ प्रतिशत डिमेन्सियाका घटनाहरूलाई रोक्न सकिन्छ।
डिमेन्सिया एक पुरानो वा प्रगतिशील सिन्ड्रोम हो जसले संज्ञानात्मक कार्यमा बिग्रन्छ। लगभग ४८७,५०० अस्ट्रेलियालीहरू डिमेन्सियासँग बाँचिरहेका छन् र यो देशको मृत्युको दोस्रो प्रमुख कारण हो। विश्वव्यापी रूपमा, ५५ मिलियन भन्दा बढी मानिसहरूलाई डिमेन्सिया छ जसमा प्रत्येक वर्ष १० मिलियन नयाँ केसहरू निदान गरिन्छ।