काठमाडौं –एप्पल, स्पेसएक्स, र टी-मोबाइलले संयुक्त रूपमा नयाँ प्रविधि ल्याएका छन्, जसअन्तर्गत आइफोनले अब स्पेसएक्सको स्टारलिंक स्याटेलाइट इन्टरनेटमार्फत सिधा एसएमएस सन्देश पठाउन सक्नेछन्।

आईओएस १८.३ अपडेटसँगै, आइफोन प्रयोगकर्ताले परम्परागत मोबाइल नेटवर्क नभएको ठाउँमा पनि स्टारलिंकको “डाइरेक्ट-टु-सेल” प्रविधिको मद्दतले सन्देश आदान-प्रदान गर्न सक्नेछन्।

हाललाई, यो सेवा टी-मोबाइल प्रयोगकर्ताको लागि सीमित बीटा परीक्षण अन्तर्गत उपलब्ध छ। भविष्यमा यो सेवा अन्य मोबाइल नेटवर्क र विभिन्न क्षेत्रहरू, जस्तै युरोप र स्पेनसम्म विस्तार गर्ने योजना बनाइएको छ।

यस प्रविधिले दुर्गम तथा न्यून सेवा भएका क्षेत्रमा पनि भरपर्दो सञ्चार सुविधा उपलब्ध गराउने विश्वास गरिएको छ। मोबाइल सञ्चार क्षेत्रमा यो प्रविधि एक महत्वपूर्ण उपलब्धि मानिएको छ।